“Mori sëpatën për të më prerë kokën”, 35 vjeçarja rrëfen tmerrin në gjykatë: Burri më dhunon vazhdimisht…

Nënë e 4 fëmijëve, një 35 vjeçare ka kërkuar ndihmën e policisë greke pasi kishte marrë kërcënime dhe dhunë të vazhdueshme nga bashkëshorti i saj.

Ajo ka rrëfyer para autoriteteve se kohët e fundit 38 vjeçari kishte marrë një sëpatë për t’i prerë kokën dhe vajza e tyre 17 vjeçare kishte arritur të neutralizonte situatën.

“Ai mori një sëpatë për të më prerë kokën, vajza ime më shpëtoi. Kam kërkuar ndihmë dhe te shoqata që strehojnë gratë e dhunuara, për mua dhe fëmijët”-është shprehur gruaja.

Bashkëshorti i saj, i pranishëm në gjykatë ka mohuar të gjitha akuzat me pretendimin se ajo nuk po e lejonte të takonte fëmijët. Gjykata e Volos vendosi 21 muaj burg për 38 vjeçarin.